Akarohwa abika sadza nederere

07 Jul, 2017 - 00:07 0 Views
Akarohwa abika  sadza nederere

Kwayedza

Muchaneta Chimuka —
MURUME saimba wekuChitungwiza — uyo wekuruta zvekusvika pakuzvambaradza mudzimai wake mushure mekunge amubikira sadza nederere — ava kuzvidemba zvichitevera kumiswa kwaakaitwa mudare reko ndokubatwa nemhosva yekuita mhirizhonga yemudzimba.

Levy Kembo (37) wepanhamba 22083 Unit G akamiswa pamberi pedare reChitungwiza Magistrate’s Courts nemhosva yekurova mudzimai wake, Jestina Chiwanza (32).

Mutongi Tracy Muzondo akamupa chirango chekubvisa faindi ye$30 uye kukundikana kwake achagara mujeri kwemwedzi wose.

Muchichisi Itai Beula Chikomo akaudza dare kuti manheru omusi wa13 Kurume gore rino, Kembo akadzoka kumba ndokuwana mudzimai wake amubikira sadza nederere, izvo zvakaita kuti amuzvambaradze kumurova nembama.

Mudzimai wake akabva anomhan’ara nyaya iyi kumapurisa zvikaita kuti murume uyu asungwe.

Kembo — uyo anozvishandira — akatongwa nemhosva yekurova mudzimai wake uye yekukonzera mhirizhonga (Physical Abuse as Defined in Section 4(1) as read with Section 3(1) (a) of the Domestic Violence Act Chapter 5:16).

Share This:

Sponsored Links

We value your opinion! Take a moment to complete our survey