Kwayedza
VANA vechikoro, hounoi mukana wekupota muchitumira mibvunzo yenyu kuKwayedza tibatsirane kuti Shona ireruke. Tumirai mibvunzo yenyu kuMupepeti nenhare dzinoti +263 714 200 007 kana e-mail inoti: [email protected] kana [email protected]. Taura zita rako rizere, chikoro chako, giredhi, nenzvimbo inowanikwa chikoro chako.
* * *
MHINDURO DZESVONDO RAPERA:
Mavara ari kuruboshwe akakanyaniswa aya anovaka mazwi anoreva chinhu. Iwe uchishandisa rubatsiro rwemazwi anotsanangura chinhu chiri kudiwa ayo akapihwa kurudyi, ronga mavara akakanyaniswa aya kuti areve chinhu.
Mienzaniso:
1. apyuf – rera mhuka kana shiri pamba (pfuya)
2. mruibo – hunonama uye hunoteyeswa shiri (urimbo)
Chiitawo izvi:
1. ndaag – munorara mombe
2. nodgo – musha wakatamwa
3. vsusuvu – tubota tutete twemurwere
4. tiad – rinoshandiswa pamwe nemiseve
5. imesev – inoiswa padati
Mhinduro dzaidiwa:
1. danga 2. dongo 3. usvusvu 4. dati 5. miseve
* * *
Zvakanyorwa nevana:
Tonderai Mudzimu ari muGrade 7 paMushongwi Primary School, kuBuhera akabvunza kuti:
1. Rwaivhi runobereka sei vana varwo uye vanodyei pavanenge vari vadiki.
2. Munhu akafirwa nemwana wake anonzii?
* * *
Tafara Chari wemuGrade 4 paMurambinda B Primary Schoool ndokuti:
Izwi rekuti “fondle” rinorevei?
* * *
Nicholas Chawana anodzidza paParirewa High School, kuDomboshava akati
Ndidetembereiwo mutupo wangu unonzi Marunga (hangaiwa). (Rega tiutsvage)
* * *
Omega Bote wepaNyamande Primary School, kuDomboshava zvekare ndokupindura mibvunzo yesvondo rapera pashure achiti:
1. nodgo – dongo
2. vsusuvu – usvusvu
3. tiad – dati
4. imesev – miseve
* * *
Alpha S wepaMazare Secondary School, kuMasvingo akati:
Ko mvura inonaya ine mupande kana mabhanan’ana nguva yechirimo inonzi chii?
* * *
