Kwayedza
VANA vechikoro, hounoi mukana wekupota muchitumira mibvunzo yenyu kuKwayedza tibatsirane kuti Shona ireruke. Tumirai mibvunzo yenyu kuMupepeti nenhare dzinoti +263 714 200 007 kana e-mail inoti: [email protected] kana [email protected]. Taura zita rako rizere, chikoro chako, giredhi, nenzvimbo inowanikwa chikoro chako.
* * *
MHINDURO DZESVONDO RAPERA:
Mitezo:
Muviri wemunhu une nhengo kana mitezo yakasiyana-siyana. Mitezo iyi ine mabasawo akasiyana. Mimwe mitezo inoshanda mabasa akawanda. Semuenzaniso rurimi rune basa rekunanzva, rekutaura nekubatsira pakutsengwa kwechikafu. Iwe tiudzewo mabasa maviri emitezo inotevera:
1. Ziso (rinoona, rinochema)
2. Mhuno (inofembedza, inofemeswa)
3. Nzeve (dzinonzwa, dzinoshongedzwa nemhete)
4. Mawoko (anobata, anoshanda pakutaura)
5. Huro (inomedza zvekudya, inoburitsa izwi)
* * *
ZVEKUITA SVONDO RINO:
Nhasi tiri kuda kuti utipe tsananguro yemazwi aya. Kana watsanangura, tichada kuti ushandise izwi rega rega mumutsara. Vana vashanu vachatanga kutumira tsananguro nemitsara yavo yakanaka vachapihwa mibairo yemabhuku neKwayedza.
Mazwi acho:
1. Kumomoterwa
2. Kucherechedza
3. Kukokorodza
4. Kusurudza
5. Mamhororodzi
* * *
Mhinduro svondo rinouya.
