neMunyori weKwayedza
KAPUTENI wechikwata chemaMighty Warriors — Onai Chingawo — a

noti vari kuenda kuNigeria vaine hukasha hukuru hwekuda kutsividza kurakashwa kwavakaitwa nechikwata ichi 2-0 mumutambo wavo wekutanga wekurwira kuenda kumakwikwi eAfrican Women’s Championships.

Chingawo akati chikwata chake changomirira kuti zuva remutambo uyu risvike nekuti vari kuda kunoradzika Nigeria 2-0 semakundirwo avakaitwa ivo kunhandare yeRufaro masvondo maviri apfuura.
MaMighty Warriors, akadaro Chingawo, akange achitirena zvakasimba masvo-              ndo maviri apfuura achigadzirira mu-tambo mukuru uyu uyo uriko musi weMugovera.

“Patakasangana neNigeria muno tine patakakanganisa zvedu apo neapo asi takazvigadzirisa zvekuti patiri kuenda ikoko tiri kuziva kuti takahwina kare nekuti tiri kunoirakasha pamberi pevatsigiri vayo.
“Chikuru chatiri kurwira patiri kuenda ikoko kuti tivakunde nezvibodzwa zvavakatikunda nazvo apo vakatikunda masvondo maviri apfuura.
“Tikaenzana pazvibodzwa tese tinenge tine mukana wakafanana wekuenda kumaAfrican Women’s Championships,” akadaro Chingawo.-Kwayedza