naElsie Mojapelo
ZVINHU zvakagara zvichitaurwa kuti vanhurume

vanoda zvepabonde kudarika vanhukadzi. Iko zvino kutori netsvakurudzo yakaitwa ikaburitswa nebepanhau reOxford University inotsinhira pfungwa iyi.
Tsvakurudzo iyi yakabuditsa kuti:
l Varume vanofunga bonde kupfuura madzimai nekuda kwemushonga unonzi “testosterone” uyo unopa simba nemanyuku-nyuku ekuda kuenda pabonde. Madzimai vakasiyana nekuti ivo vane mushonga unonzi “oestrogen” uyo unoita kuti vave nemoyo munyoro nerudo.

l Mushonga we “testosterone” uyu unogadzirwa nguva dzose zvinosakisa kuti varume vafunge nyaya dzebonde panguva dzose kusiyana nemadzimai vanogadzira “oestrogen” panguva yakatarwa yemwedzi.
l Varume vanofunga zvebonde nemadzimai akasiyana uye vanotogona kuparadza mari kuti vawane bonde kusiyana nemadzimai.
l Varume vanoparura nyaya dzebonde kusiyana nemadzimai uye vachiriramba kashoma.
l Madzimai vanoparura nyaya dzebonde uye vachiriramba kakawanda.
Asi zvakadaro, varume vane matambudziko akawanda avanosangana nawo anoderedza manyuku-nyuku avo ebonde.

Izvi zvichinge zvaitika vashoma vanogona kuzotsvaga rubatsiro.
Vakawanda vacho vanoona kunge kutaura kuti vane dambudziko kunoderedza kuva varume kwavo.
Mamwe ematambudziko anogona kuderedza manyuku-nyuku aana baba epabonde anosanganisira:
l Kuderera kwemishonga yema “hormone” mumuviri
l Kupera shungu nemudzimai waainaye
l Matambudziko emari
l Kushanda basa rinonetesa
l Kushoropodzwa nekushungurudzwa nemukadzi

Asi izvi zvinogona kugadzirika nekuita mitambo yekusimbisa muviri, zvimwe zvikafu zvinokurudzirwa naana chiremba nemishonga chaiyo yechivanhu.-Kwayedza