neMunyori weKwayedza
RIMWE boka remadzimai reZimbabwe Indigenous Women Farmer

s Association Trust rosimudzira mabasa evanhukadzi ekurima, zvikuru avo vakagariswa patsva nehurumende.

Mutungamiriri weboka iri, Mai Depinah Nkomo vakati chinangwa chavo ndechekuona kuti madzimai awaniswa zvekushandisa zvakakwana munyaya dzekurima zvakadai sembeu, michina yekurimisa nezvimwe nedonzvo rekuti vasaomerwe.
“Boka redu rine nhengo dzinosanganisira varimi vadiki, vakuru nevakagariswa patsva.
Takaumba boka iri mushure mekuona kuti madzimai mazhinji ari kuomerwa zvisinei nekuti ndivo vanowanzoonekwa vari muminda apo varume vanenge vari kumadhorobha nekumaguta,” vakadaro Mai Nkomo.

Vakati rimwe dambudziko guru riri kubata madzimai munyaya dzekurima kukundikana kwavo kuwana zvikwereti kubva kumabhanga nekuda kwezvibatiso zvinodiwa izvo zvakaita sedzimba.
“Tiri kutsvaga mari yekuti tibatsire madzimai vagone kuzvitengera zvekurimisa zvakaita sefetereza, mapaipi ekudiridzisa pamwe nekuvadzidzisa kurima nemazvo kuti vakwanise kurwisa nyaya dzekusanduka kwemamiriro ekunze anove zvekare ari kukanganisa budiriro yenyika munyaya dzekurima,” vakawedzera.-Kwayedza