naEsther Muzvondiwa

MURUME wekuMabvuku, muHarare akazvuviramukadzi wake kudare achida kuripwa  kutambisirwa nguva yake uye kugura muchato achiti akachengeteswa mwana asiri wake.
Munyaradzi  Majonga  akaendesa Tandiwe Chisango  wekuKadoma kudare reHarare Civil Court.

“Ndakaroora Tandiwe muna2010 tikachata munaKubvumbi  2011 kuchechi yeJehovha’s  Witness. Panguva iyi, Tandiwe aiva atova nepamuviri paBiard Phiri. Ini ndakabhadhariswa mabhiri ekuchipatara  pakuzvarwa kwemwana  asiri wangu uye  kutori nechikwereti.
“Pandakaziva  nezvemwana uyu iye nevabereki  havana  kumboramba saka ngavandiripe nguva yangu yavakatambisa  uye vandichenure  zita rangu kuchipatara kuti handisirini  baba vemwana uyu,” akadaro  Majonga.

Chisango akaudza dare kuti haana mhosva sezvo vabereki vake naiye Majonga vari ivo vakamumanikidza kuti aroorwe naye nekuti anonamata.
“Ini handina zvandingataura nekuti iye nevabereki vangu

ndivo vakandimanikidza kuti ndiroorwe naye. Ndaiva nemukomana wangu ivo vakati toda anonamata saka ngavaripane pachavo, ndingatoripa mari yekuchipatara yoga,”  akadaro Chisango.
Mutongi Vongai Muchuchuti akapa mutongo wokuti  Chisango aripe  Majonga  mari yaakashandisa kuchipatara  kutanga mwedzi waChikunguru.  -Kwayedza