Kwayedza
Silas Mutota —
KAMBANI yePrime Seed Co, iyo inotengesa mbeu dzemumabindu, inokurudzira varimi kuti vadyare mbeu dzakauchikwa kuti vagozowana goho rinovapundutsa. Mbeu idzi dzinopa murimi goho repamusoro uye mari yakawanda.
Tinokurudzira kuti murimi azive mbeu dzakanaka dzekurima. Murimi achienda kuchitoro chembeu, anofanira kunge achiziva mbeu dzaanoda. KuPrime Seed Co kune mbeu dzose dzemumabindu nemafuro emombe. Tinokurudzira varimi kuti vatenge mbeu dzakauchikwa zvemhando yepamusoro-soro dzinonzi maHybrids.
Tine mbeu dzinosanganisira dzematomatisi, macabbage, repi, covo, hanyanisi, peas, carrots, magaka, manhanga, mabutternut, mowa, nyevhe, beans nedzimwe mbeu dzemumabindu. Chakanakira kushanda nevePrime Seed Co ndechekuti vanoshandidzana nemadhumeni eHurumende uye Prime Seed Co ine madhumeni ayowo ayo anozivisisa nezvekurimwa kwembesa dzemumabindu avo vakatekeshera nenyika yose.
Murimi asati aenda kuchitoro kunotenga mbeu anofanira kunge achiziwa zvinotevera:
1. Mbeu yacho inorimwa mwaka upi?
2. Inoda fetireza nemishonga yakadii?
3. Kwokuzoitengesera yaibva ndekupi?
4. Inomboda marii kuirima?
5. Ndima yandingada kurima yakakura sei?
6. Kuva neruzivo rwembeu yacho.
Vhiki rino tichanyanyobatana nembeu yemabuttenut, ayo anofarirwa nevarimi vakawanda. Murimi anofanira kuziwa kuti achashandisa zvinhu zvakawanda sei pakurima kwake uye goho raanokwanisa kuwana arima achitevedzera zvinodiwa rakamira sei? Tinokurudzirawo kuti murimi azive kwaanotengesera zvirimwa zvake kana akohwa.
Tinoona varimi vakaenda kumariketi kwakafanana nekuMbare nekumwe kumaguta nemadhorobha muZimbabwe, voona kuti butternut riri kubhadhara, nguva iyoyo anobva aririmawo kuti ribude nguva iya yaariona richibhadhara gore rinotevera racho. Asi chavanenge vakanganwa ndechekuti vamwe varimi vakawanda vashanyirawo musika mumwe chete iwoyo nguva dzimwedzo vakaonawo mukana wacho wekushomeka kwemabutternut. Iavava vacharimawo nguva dzimwe chete nedzamucharima mozoita mahwekwe kumusika.
Tinokurudzira kuti murimi atore kurima mabutternut sebhizimusi uye aine chinangwa chekuita pundutso. Murimi ngaazikanwe kumusika nekurima chirimwa chimwe kana zvivira kana zvitatu gore rose, iya inganzi specialization pachiRungu. Izvi zvinoita kuti murimi aone mitengo yose inowanika mumariketi chero nguva. Izviwo zvinoita kuti murimi azive chirimwa chake agova shasha pakuchirima.
Mabutternut chirimwa chisingafariri kurimwa kunotonhora nekuti mashizha acho anokasika kurohwa nechando. Rinowanzoda kutanga kurimwa munana Nyamavhuvhu kusvika kunana Kurume. Asi kunzvimbo dzinodziya dzakaita seChiredzi nekuBeitbridge, vamwe vanorima muchando imomo nenhau yekuti hakutonhori zvakanyanya. KuPrime Seed Co tine mbeu dzemabutternut dzepamusoro-soro idzo dzinopa goho rakakura dzinoti Avalon F1 neVictory F1.
Murimi akarima mbeu idzi anotengesa achinzwa kufara nekuti mabutternut acho anozvitengesa. Rimwe butternut rinogona kukupa huremu hunosvika 1.8kg nekuti rine mutsipa wakakora uye bako remhodzi dzaro idiki. Avalon ibutternut rinoibva nemwedzi mitatu kubva pakubuda. Rinogonawo kugara kwemwedzi inosvika miviri kana wanyatsorichengetedza zvakanaka. Avalon rinogona kusvika ku1.8kg kana ranyatsopihwa kudya kwakakwana.
Victory ibutternut rinoibva nemwedzi mitatu uyewo rinonogona kusvika 1.5kg ndokunge rawaniswa kudya kwakakwana. Dzimwe mhando mbiri dzemabutternut atinawo emhando yepamusoro dzinoti Ultra F1 neMaxim F1. Aya mabutternut anowanzorimwa nevaya vanozoda kutengesera makambani akaita sanaBFP, Cairns nemamwe vanozoasvina vachigadzira zvakawanda.
Mhando yemabutternut aya anokura zvekusvika kuma 3-8kg zvekuti mhuri yose inokwana rimwe chete. Mabutternut aya anoda mwedzi mitatu nechidimbu kuti aibve.
Mabutternut anogona kurimwa mumhando yevhu rakasiyana-siyana uye rinorasawo mvura. Tokurudzira kuti varimi vapote vachinovhenekerwa ivhu ravo kuti vaone kuti rine munyu wakadii uye rinoda mafetireza kana mipfudze yakadii. Kuvava kwevhu rinonyatsoita hanyanisi kunofanira kubva pa5.5 kuusvika pa6.5 PH. Pakurima paya tinokurudzira kuti ivhu ringe rakatsetseka, risina mavhinga makuru kuti murimi adyare mbewu zvakanaka.
Pafetireza tinokurudzira kuti murimi ashandise Compound D ine huremu hunosvika (600-800kg/ha) zvichienderana nekuvhenekwa kunenge kwaita ivhu renyu. Iyi fetireza inoiswa mugomba mamunenge muchizoisa mbeu yenyu. Murimi anofanira kuona kuti aisa fetireza rimwe divi regomba uye mbeu rimwe divi kuti isazopise nhondo dzake.
Murimi anaozoisawo fetireza yepamusoro (AN 75-100kg/ha) inoita kupera kwesvondo retatu, rechina nerechinomwe yakaenderana. Hatikurudzire kuti murimi anonoke kuisa fetireza nekuti inozotadza kushanda zvainofanira kuita.
Murimi anokurudzirwa kuti asime mbeu yake pamidzere yenesi ozoti nondo dzake dzasimuka ozodzura odyara. Tinokurudzira kuti murimi ashandise 1.5-2kg yembeu pahekita. Tinotarisira kuti murimi ave nemadzinde anosvika ku10 000 kana 15 000 pa hekita.
Mabutternut chirimwa chinoda mvura iri pakati nepakati zvekuti semurimi, unofanira kuramba uchiongorora kuti mbesa dzako dzisaomerwe nemvura zvinozoita kuti goho ridzikire. Pakurima mabutternut emhando yapamusoro ekuPrime Seed Co, murimi anokwanisa kuita mari inogona kupfuura kamwe kana kaviri mari yaanenge ashandisa kurima chirimwa ichochi kana zvaitwa nemazvo.
Vazhinji varimi pavanokohwa vanorongedza mabutternt avo mumasaki akaita mambure ari ma10kg kana mumasaki makuru ma50kg kuti vatengese zvine mupimo
Sarudzo yembeu:
Chinhu chakakosha kuti murimi asarudze mbeu yakanaka nekuti ndiwo musimboti wekuti abudirire. Tinokurudzira kuti varimi vatenge mbeu dzakauchikwa zvepamusoro dzekuPrime Seed Co dzinonzi mahybrids. Murimi anofanira kusarudza mabutternut anodiwa nemusika wake. Kana achida kuendesa zvakaita sekuMbare kana kuzvitoro zvingaada kuti vatengeserewo vanhu tinokurudzira kuti murimi atenge Avalon F1 kana Victory F1. Asi kana vakataurirana nemakambani anoashandisa kugadzira zvimwe zvekudya.
Heino mibvunzo yakakosha kubvunza pakusarudza mbeu yebutternut muchitoro:
— Rinotora mazuva mangani kuti izoibva?
— Rine zvirwere zvarisingabatiri here?
— Rine uremu hwakadii rakohwewa?
— Sei zvakakosha kuti ini semurimi ndisarudze mbeu iyoyo?
Tokurudzira kuti murimi atsvake ruzivo rwakakwana pamusoro pechirimwa ichi kubva kumadhumeni ePrime Seed Co akatekeshera nenyika yose. Onai nhare dzavo.
Nembeu dzePrime Seed Co, unopura mari!
. Silas Mutota ndiSales and Marketing Manager kuPrime Seed Co. Sunungukai kumubata pa: +263 773 473 948 kana [email protected]
