Uncategorized

Kumakuwerere kuVictoria Falls

27 Feb, 2015 - 00:02 0 Views
Kumakuwerere kuVictoria Falls PRESIDENT Mugabe vachicheka keke rekupemberera zuva ravo rekuzvarwa apo vatevedzeri vavo, Vice President Emmerson Mnangagwa (kuruboshwe) naVice President Phelekezela Mphoko nevamwe vanoshanda muhosifi yavo, vaive vakatarisa nemusi wemuMuvhuro.

Kwayedza

PRESIDENT Mugabe vachicheka keke rekupemberera zuva ravo rekuzvarwa apo vatevedzeri vavo, Vice President Emmerson Mnangagwa (kuruboshwe) naVice President Phelekezela Mphoko nevamwe vanoshanda muhosifi yavo, vaive vakatarisa nemusi wemuMuvhuro.

PRESIDENT Mugabe vachicheka keke rekupemberera zuva ravo rekuzvarwa apo vatevedzeri vavo, Vice President Emmerson Mnangagwa (kuruboshwe) naVice President Phelekezela Mphoko nevamwe vanoshanda muhosifi yavo, vaive vakatarisa nemusi wemuMuvhuro.

Tandayi Motsi
NEMUSI weMugovera svondo rino nzira dzose dzinenge dzichinanga kuVictoria Falls uko kuchange kuine mhemberero dze21st February Movement dzekusvitsa makore 91 okuberekwa kwemutungamiri wenyika, President Mugabe. Mhemberero idzi dziri kuuya panguva iyo President Mugabe vachangobva kugadzwa kuva sachigaro wesangano remubatanidzwa wenyika dzemuAfrica, reAfrican Union.
President Mugabe ndivo zvakare sachigaro wesangano remubatanidzwa wenyika dzemuSadc.

Vachitaura pamabiko avakaitirwa nevashandi vemuhofisi yavo muguta reHarare neMuvhuro wadarika, President Mugabe vakati zvakakosha kuti zvizvarwa zveZimbabwe zvive nehunhu pamwe nekuve nechivimbo nenyika yavo.

Vakati havana kumbobvira vakafunga kuti kune vamwe vaizosiya zvinangwa izvo zvakarwirwa hondo yerusununguko.
“Ticharamba tiri tose, pamwe chete tichirwira budiriro nekuvandudza nyika yedu. Ndapota ivai makatendeka kunyika yenyu, tiri pano nekuda kwekuzvipira kwakaitwa nevamwe,” vakadaro President Mugabe.

Vakati hunhu pamwe nekutendeka kunyika zvinhu zvekuti hazvitengeswe kunyangwe munhu akapihwa mazakwatira emari yakawanda zvakadini.
President Mugabe, avo vanovazve mukuru-mukuru weuto reZimbabwe Defence Forces (ZDF), vakati avo vanobvuma kutengesa hunhu hwavo pamwe nenyika yavo nekuda kwemari vatengesi vakuru uye zvakadai hazvifaniri kuitika.

Zvizvarwa zveZimbabwe, vakadaro President Mugabe, zvine kodzero yekurwira nyika yazvo iyo yakange yapambwa nevapambepfumi.
“Handina kumbobvira ndafunga kuti mumwe munhu angasiye zvatinotenda kuti ndizvo zvatairwira kuti tisununguke uye yakange iri kodzero yedu kuti tidaro,” vakadaro.

President Mugabe vakati havana kuenda kunorwa hondo yerusununguko nechinangwa chekutsvaga zvinzvimbo zvematongerwo enyika asi kuti nedonzvo rekusunungura Zimbabwe kubva kuhutongi hwemabhunu.

Share This:

Sponsored Links

We value your opinion! Take a moment to complete our survey