Madyarirwo embeu yefodya

29 Jul, 2016 - 00:07 0 Views
Madyarirwo embeu yefodya

Kwayedza

Tinoenderera mberi kubva patakasiira svondo rapera

Va TT Dobie vanova mudhumeni mukuru kumbani yeBoka Tobacco Floors vanoti kana varimi vachishandisa mushonga wemhando yeClomazone 480EC-Commando huwandu ngahuve 12ml pahekita. Mwayai 3ml yemushonga pamuhomba yakasanganiswa nemarita 20 emvura muchishandisa keni (can) yekudiridzisa.   Sanganisai mushonga pakumwaya kana muchangomwaya mbeu.  Dambudziko rinorwisa ndere sora.

Kana muchishandisa Thunder 145 (lmidacloprid & betacyfluthrin) isai 110ml pahekita. Sanganisai 60ml nemarita 100 emvura modiridza 1.5lt pam2. Shandisai nushonga uyu mapedza kumwaya mbeu asi musati maisa huswa. Zvinorwiswa apa zvinosangansira inda, masvosve, cutworm nemuchenje. Pamunoshandisa Bravo (Chlorothalonil) isai 200ml pahekita, sanganisai 200ml nemarita 16 emvura momwaya nepombi pamihomba mitatu (108m2). Nguva yekushandisa ngaive kubva pamasvondo maviri mbeu yamera. Rambai muchimwaya svondo rega-rega. Zvirwere zvinotariswa panguva iyi zvinosanganisira Alternaria.  Kune vanoshandisa Copper Oxychloride, isai 1kg pahekita. Sanganisai 200g nemarita 16 emvura momwaya nepombi pamihomba mitatu(108m2).    Kubva pamasvondo mana mbeu yamera, mwayai mushonga uyu svondo rega- rega kana kuti mushure mekunge madimburira nhondo (clipping).

Zvirwere zvinorwiswa zvinoti Alternaria neAngular leafspot.  Mushonga weTwist 500SC (Trifloxystrobin) unogona kuiswa 120ml pahekita. Sanganisai 200ml nemarita 10 emvura momwaya marita maviri pamuhomba muchishandisa pombi.

Kubva pamasvondo mana mbeu yamera, mwayai mushonga uyu svondo rega- rega mushure mekunge madimburira nhondo nekuti kana mukadaro munenge muchirwisa chirwere cheAlternaria.

Vanoshandisa Thunder 1450D, isai 200ml pahekita. Sanganisai 12ml nemarita 20 emvura modiridza pamuhomba mumwe chete kunze kwotonhorera. Shandisai kubva pamasvondo mashanu kusvika masere nepamasvondo gumi nerimwe mabva kumwaya mbeu.

Share This:

Sponsored Links

We value your opinion! Take a moment to complete our survey