Kwayedza
Fungai Lupande ari kuBINDURA
MURUME ane makore 42 okuberekwa wekuBindura amiswa pamberi pemutongi wedare reBindura Magistrate Court, Ruramai Chitumbura, achipomerwa mhosva yekuparadza midziyo yemumba mushure mekunyimwa rudo nemudzimai wake.
Shepherd Mhizha anogara kuChipadze anoramba mhosva iyi ndokunzi adzoke zvakare mudare nemusi wa29 Gunyana apo anenge achitonga achibva muchizarira.
Muchuchisi munyaya iyi, Muzvare Gertrude Mayenyeso audza dare kuti nemusi usingazivikanwe gore rino, Mhizha akadzoka kumba achibva kumabasa aanoita kuma5 zuva rodoka.
Akasvikowana mudzimai wake, Christine Mapindu (34) ari pamba achibva amukumbira kuti vamboita zverudo muimba yekurara.
Mapindu anonzi akaramba chikumbiro chemurume wake izvo zvakamushatirisa zvakanyanya.
Zvinonzi Mhizha akatora demo nechimwe chinhu chisingazivikanwe ndokupwanya firiji neterevhizheni ye21 inch zvaive mumba umu.
Mapindu akamhan’ara nyaya iyi kumapurisa zvikaita kuti Mhizha asungwe.
