Kwayedza
Abel Ndooka
MUIMBI Blessing “Muroti” Gomo – anoti apedza gadziriro dzake uye amirira kuparura madambarefu maviri mwedzi unotevera muguta reHarare.
Madambarefu maviri aya anoti rechitendero rinonzi Delayed Match nerechipiri rinonzi Mugodhi Netsime reSungura.
Anotevera mamwe matatu ayo akaparura mugore ra2020 anoti Delete rechitendero, Mukombe Wezodzo reSungura uye Check My Records reJazz.
Muroti anoti vatsigiri vake vange vanzwa nenyota vachimirira mhanzi yake itsva izvo zvakamutuma kutsikisa madambarefu maviri aya.
“Pandakapedzisira kuparura mhanzi yangu mugore ra2020, ndakaburitsa madambarefu matatu ayo akagamuchirwa zvikuru nevatsigiri vangu. Saka ndinovimba kuti makore maviri adarika, vatsigiri vange vane zvekuterera uye ini zvandipawo nguva yekushanda nesimba kubik...
