Imbobika matemba seizvi

01 Mar, 2019 - 00:03 0 Views
Imbobika matemba seizvi Matemba

Kwayedza

MATEMBA anonaka zvikuru kana achinge abikwa nehunyanzvi uye ndichirera mhuri sezvo ari iwo akabata dzimba dzakawanda nekuda kwemutengo wawo uyo wakaderera kana zvichienzaniswa nenyama.

Svondo rino Tatenda Shuro wekuMarondera anotsanangudza mamwe mabikirwo eusavi hwematemba.

Zvinodiwa:

Chikari, poto kana pani, hanyanisi, matomatisi, munyu, mafuta, matemba, chipunu kana mugoti.

Mabikiro:

  • Tora matemba wonyika mumvura inopisa kwemaminitsi makumi maviri.
  • Cheka hanyanisi nematomatisi zvakasukwa zvakanaka.
  • Chigadza chikari, poto kana pani pamoto woisa mafuta uye kana achinge apisa, chitora hanyanisi nematomatisi woisa imomo.
  • Kanga kusvikira zvanyatsotsvukira wozotora matemba woisa.
  • Kwidibira zvombokwata kwemaminitsi angasvika makumi matatu.
  • Raidza usati waisa munyu nekuti matemba ane munyu wakawanda.
  • Munogona kudya usavi uhu nemupunga kana nesadza remhando yamunoda.

Share This:

Sponsored Links