Imwe nzira yekukanga mazai

24 Nov, 2017 - 00:11 0 Views
Imwe nzira yekukanga mazai

Kwayedza

MAZAI kudya kunovaka muviri sezvo kuine mapuroteni akawanda ayo anobatsira mukurwisa zvirwere mumuviri kumazera ose.

Svondo rino, Juliet Ncube wekuBulawayo anotitsanangura mamwe mabikirwo emazai zvemhando yepamusoro.

Zvinodiwa:
Mazai matanhatu, cheese, matomatisi, munyu, mafuta, hanyanisi, pani kana poto.

Mabikiro:
Tora komichi wopwanyira mazai ose imomo.
Isa munyu mushoma wokurunga kusvika zvasangana.
Cheka hanyanisi nematomatisi wokanga nemafuta mashomanana.
Dira mazai mukati wokanga zvakare kwemaminitsi mashanu.
Wozodii?
Kana zvaibva, chekerera cheese wosanganisa.
Siya zvisangane kwemaminitsi matatu. Kana zvadai, chibura upakure mugonakirwa nemhuri.
Mazai anodyiwa nesadza, unogona kuaisa pachingwa, kudya nemupunga kana kuchachura akadaro sezvido zvako.
Sunungukai kutumira zvamunoda kuti zvibude pachirongwa chino panhamba dzinoti +263 713 411 281.

Share This:

Sponsored Links

We value your opinion! Take a moment to complete our survey