Uncategorized

Makore 9 mujeri abatwa aine nyanga dzenzou

01 Oct, 2021 - 16:10 0 Views
Makore 9 mujeri abatwa aine nyanga dzenzou

Kwayedza

Luthando Mapepa

MURUME wekuChipinge anoshanda semurindi kana kuti gadhi pakambani yeSouthern Company panzvimbo yemabhizimisi yeChecheche Growth Point svondo rapera akatongerwa kugara mujeri kwemakore mapfumbamwe mushure mekubatwa nemhosva yekuwanikwa aine nyanga dzenzou dzinorema 4.5 kgs dzinokosha US$1 125.

Simon Tirivaviri (45) anoramba mhosva iyi paakamiswa pamberi pemutongi VaFranklin Mkwananzi vedare reChipinge Magistrate Court asi ndokubatwa nemhosva nekuda kwehumboo hwaimuroverera.

Muchuchusi VaTimothy Katsande, vanoudza dare kuti nemusi wa30 Nyamavhuvhu gore rino, matikitivha akawana mashoko ekuti Tirivaviri aive nenyanga dzenzou.

“Matikitivha vakachaira Tirivaviri nhare vachiita sevaida kutenga nyanga dzenzou idzi ndokubva abvuma kuti vasangane panzvimbo yeMabhiza Business Centre. Tivaviri akaenda panzvimbo iyi ndokubva aburitsa nyanga dzenzou idzi idzo dzaive mubhegi hombe dema. Akati aidzitengesa neUS$1 100,” vanodaro.

Tirivaviri akabva asungwa mushure mekunge matikitivha aya azvizivisa kuti vaive mapurisa. Nyanga dzenzou idzi dzakawanikwa.

Share This:

Sponsored Links

We value your opinion! Take a moment to complete our survey