Kwayedza
Maita Wadyegora,
Evo, Moyo, mwana waRusike,
Maita vari Dombotombo.
Kuziva zvenyu vari mazave,
Maita zvenyu vari Mandoga,
Kurere ‘andu naNherera.
Maita varere Mahwemachena,
VokwaMuzarabani, vari Shangura,
Vari Chikombero, vari Dudzu,
Wadyegora wadye Mangava,
Hwedza rinokudyawo,
Mukonde wangu yuyu,
Zvaitwa vahombarume vari Nhumbe.
Aiwa zvaonekwa Moyo,
Wadyegora,
wokwaRusike,
Varere kuMatumbaarira neBinda.
Aiwa tatenda vana vaMuzarabani.
A. C Hodza – UZ Department of African Languages
