Uncategorized

Oda rubatsiro rweUS$30k

19 Jul, 2019 - 00:07 0 Views
Oda rubatsiro rweUS$30k Allan Katema

Kwayedza

Muchaneta Chimuka
MWANA ane makore 12 okuberekwa wekuHatcliffe, muHarare, ari kutsvaga rubatsiro rweUS$30 000 rwekuti anorapwa kunyika yeIndia chirwere chegomarara remumusoro iro rava nemakore anodarika gumi richimutambudza.

Allan Katema anonzi anofanira kunovhiiwa kuzvipatara zviri kuIndia nekukasika uye hama dzake dziri kukundikana kuunganidza mari iyi.

Allan anogara naambuya vake, Gladys Itai Gochera, uye anonzi akavhenekwa namachiremba ndokuonekwa kuti ane gomarara rinodaidzwa kunzi Plexigome Neurofibramatosis.

“Vanhu vaMwari ndinokumbirawo kuti mubatsire muzukuru wangu Allan Katema. Dambudziko iri rakatanga paakabarwa asi hataiziva kuti chaive chii, machiremba achingoti aizokwanisa kumuvheneka paanenge ava nemwedzi gumi nemisere yekuberekwa.

“Nomusi wa27 Gunyana 2018, takazoenda naye kumachiremba vanova vakazotizivisa nezvegomarara iri. Murume wangu paaive achiri mupenyu, taiedza kurapisa mwana, zvino akazoshaya mugore ra2014. Saka seshirikadzi ndasara ndiine mutoro mukuru wekurera muzukuru uyu,” vanodaro Mbuya Gochera.

Vanoti zinyama rakamera pahuma pemuzukuru wavo riri kuramba richikura richimurwadza zvakanyanya.

“Munguva pfupi yadarika, ndakanzwa nezvechipatara chiri kuIndia icho chinobatsira vanhu vane matambudziko erudzi urwu, saka ndinovimba kuti kana ndikawaniswa rubatsiro rwemari inodiwa iyi, muzukuru wangu anobatsirwa mukudzoreredza utano hwake uye vakati vanoda US$30 000,” vanodaro.

Vangada kubatsira mwana uyu vakasununguka kutumira mari mubhanga reFBC Bank muakaundi yaGladys Itai Gochera ine nhamba dzinoti 5333037020605571.

 

Share This:

Sponsored Links

We value your opinion! Take a moment to complete our survey