Kwayedza
Abel Ndooka
SHASHA yetsiva yemuno — Kudakwashe ‘Take Money’ Chiwandire — akundwa naYamileth Mercado mumutambo wavo watambirwa kuMexico City nhasi mangwanani na5am (nguva dzemuZimbabwe).
Chiwandire akundirwa pazvibodzwa (points) mumutambo uyo waona shasha mbiri idzi dzichibanda mumarounds ose aru 10 apo vange vachirwira bhande rina Mercado reWorld Boxing Council (WBC) Gold.
Rwendo rwaChiwandire rwekuenda kuMexico rwange rwakareba sezvo chikwata chaMercado chaitsika-tsika kutumira mavisa ekufambisa echikwata chaChiwandire izvo zvakazoona vachisvika kuMexico nezuro Mugovera mangwanani iwo mutambo wavo uchizotambwa husiku ikoko kuMexico.
