Tino Kadewere amhanyiswa kuchipatara

13 Mar, 2023 - 14:03 0 Views
Tino Kadewere amhanyiswa kuchipatara Tino Kadewere

Kwayedza

Abel Ndooka

MUTAMBI wemaWarriors neReal Deportivo Mallorca yekuSpain – Tino Kadewere – akamhanyiswa kuchipatara nezuro mushure mekunge atanga kurutsa apo chikwata chake chaitamba neReal Sociedad.

Kadewere akatanga mutambo uyu asi wave pahalf-time, anonzi akatanga kusanzwa zvakanaka ndokuzorutsa sezvo muviri wake wakange wave kupisa iyo inozivikanwa nekunzi ‘heat stroke’.

Murairidzi wake, Javier Aguirre, akataura mutambo wapera kuti aida kuti Kadewere atambe maminitsi akawanda, asi paakatanga kurutsa, zvakamutuma kuti amuburitse munhandare.

“Chinangwa change chiri chekuti atambe maminitsi akati wandei asi paatanga kusanzwa zvakanaka neheat stroke ndokutanga kurutsa, zvaita kuti tishandure hurongwa hwedu hwose hwemutambo uyu,” anodaro Aguirre.

Kadewere akatsiviwa naAbdon Prats mutambo uyu ukazopera uri mangange 1-1.

Mutambo uyu wange uri wechina wakatevedzana Kadewere achitanga ari muchikwata chake.

Share This:

Sponsored Links

We value your opinion! Take a moment to complete our survey