Kwayedza
Mhinduro yesvondo rapera:
Kugocha kunoda kwaamai, kwemwana kunodzima moto.
Zvainoreva:
Pane zvinhu zvekuti zvikaitwa nemumwe munhu zvinogamuchirwa, asi zvinhu izvozvo zvikazoitwawo nemumwe munhu hazvigamuchirwe.
Zvekuita: Kana huni dzikatsva panosara zvinhu zvichena zvinenge guruva. Zvinonzi chii?
Mhinduro: dota/madota
Svondo rino:
Mombe yetsiru manhenda waikama.
Zvainoreva:
Tsiru imombe isati yabereka. Manhenda izwi rinobva pane rekuti kutenda. Saka tsumo iyi iri kuti unozobvuma kuti une pfuma kana mombe isati yabereka yazobereka uye ikakupa mukaka.
Zvekuita:
Tsumo iyi yakafanana neinoti: Totenda maruva tadya . . .
* * *
Mhinduro svondo rinouya.
. Tumirai mhinduro panhare dzinoti: 0714 200 007