Kwayedza
Abel Ndooka
KUCHANGE kusingadanwe anonzwa manheru eChipiri chino kunhandare yePfura Stadium, kuMt Darwin, uko vaimbi vakasiyana vacharidza pazuva rekupemberera kuwana kweZimbabwe kuzvitonga kuzere.
Muimbi ane mukurumbira, Alick Macheso, naParadzai Messi ndivo vamwe vevari kutarisirwa kuridza kumhemberero idzo dzichaona zvikwata zvevaimbi zvinodarika 10 zvichiridza padopiro iri.
Alick Macheso naParadzai Mesi
Mhemberero dzezuva rekuwana kwenyika kuzvitonga zvizere dzegore rino dziri kufamba nedingindira rekuti: “Nyika Inovakwa Neve Vayo/Illizwe Lakhiwa Ngabanikazi Balo.”
Aka kachange kari kekutanga mhemberero idzi dzichiitirwa kunzvimbo isiri Harare kana Bulawayo uye chikwata cheDynamos FC necheHighlanders zvichakwikwidza mumutambo weUhuru Cup.
Dynamos ne Highlanders zvichasangana mumutambo weUhuru Cup
