Muchaneta Chimuka
MUKOMANA wechidiki wekuArda Transau iri kwaMutare ari kutsvaga rubatsiro rwemari inokwana US$650 kuruzhinji rweZimbabwe yekuti akwanise kurapwa chirwere chegomarara reganda icho chiri kumutambudza zvakanyanya kubvira gore rapera. Isaac Dube (28) anoti akambonovhiiwa kuchipatara cheParirenyatwa Group of Hospitals mushure mekubatsirwa neimwe nhepfenyuro yemuno asi gomarara iri riri kuramba richinyuka panhengo dzakasiyana dzemuviri wake dzinosanganisira kumusana, pamuromo, mumawoko nemaziso.
Haackakwanisa kutaura zvinonzwika mushure mekuvhiiwa kwaakaitwa muromo.
“Ndinokumbirawo rubatsiro rweUS$650 iyo iri kudiwa nemachiremba ekuParirenyatwa Group of Hospitals kuti vandivhiye. Ndakambovhiiwa muromo, maziso neruwoko asi gomarara racho riri kuramba richibuda. Handinawo mafuta ekuzora emasuncreen lotion,” anodaro Dube.
Vangade kubatsira Dube vanogona kumubata panhare dzinoti 0776 168 810.