Abel Ndooka
VECHIDIKI vokurudzirwa kuti vapinde mune zvemitambo nechinangwa chekugadzirira remangwana ravo pane kuswera vachitora zvinodhaka zvisingatenderwe mumuviri.
Kurudziro iyi yakapihwa nasachigaro weMbare Junior Football League – Stanley Kavayi – achiti mitambo yakakosha muhupenyu hwevechidiki.
Kavayi, uyo anove murairidzi wenhabvu zvekare, anoti vechidiki vakawanda vane matarenda emitambo yakaita senhabvu, cricket nebasketball asi hupenyu hwavo huri kuenda mudondo nekuda kwezvinodhaka.
Anoti vari kuronga mitambo yakasiyana yekuti vechidiki vatambe.
“Mitambo yakakosha nekuti inobatsira kubika vechidiki nekuvarakidza gwara chairo. SeMbare Junior Football League, tiri kuronga mitambo yenhabvu yekuti vechidiki vatambe nekuti donzvo redu kuvabvisa pedyo nezvinodhaka.
“Kune vechidiki vakawanda vekuti unotoona kuti uyu ane chipo mumitambo asi anozomedzwa nezvinodhaka. Saka isu tiri kuda kuvabata toshanda navo kusvi...