Munyori weKwayedza
MAPURISA ekwaMutare vari kuferefeta nyaya yemutumbi wemunhurume wakawanikwa nemusi weChitatu wave kuwora pakati penhandare mbiri dzechechi pedyo nenzvimbo yemabhizimisi yeBeta Shopping Centre iri kuDangamvura.
Vagari vemunzvimbo iyi vakamhanyidzana kunoona mutumbi uyu, uyo wakange wawora zvakanyanya.
Vatori venhau pavakasvika panzvimbo iyi, mapurisa aive mushishi yekuferefeta uye vachidzinga vanhu kuitira kuti vaite basa ravo zvakanaka.
Kuferefetwa kwenyaya iyi kuri kuenderera mberi apo mapurisa anoda kuziva kuti murume uyu ndiani uye kuti chii chakakonzeresa rufu rwake.