Kwayedza
WOMEN’S University in Africa (WUA) ine mipande yakawanda kwazvo yedzidzo uye mimwe mitsva iri kuburwa senzira yekuvandudza dzidzo zvinova zviri kufambirana nemamiriro akaita mahindasitiri emuZimbabwe.Muhurukuro naDr Elizabeth Chikwiri, vanove Pro-Vice Chancellor weWUA, vanotenda WUA Board of Trustees kuburikidza nekanzuru yavo nekuvacherechedza semudzimai anoshanda nesimba apo vakagadzwa chigaro ichi kutanga nomusi wa1 Gumiguru gore rino.
Vasati vave pachigaro ichi, vaishanda saActing Dean of Studies.
Vanoti vakatanga vari murairidzi muna 1983 pazvikoro zvepuraimari asi neshungu, vakaramba vachikwidziridzwa kusvikira vave mukuru wechikoro muna 1993 nekuzove murairidzi mukuru paSeke Teacher’s College. PaWUA vakatanga vari murairidzi vakazova murongi kuFaculty of Social Science and Development Studies muna 2008.
Muna 2011, vakakwiridzirwa kuve Acting Dean of Studies uye panguva iyi vakanyora mabhuku akawanda anosanganisira eEarly Childhood Development Programmes neQuality Assuarance in Open Distance Learning.
