Kwayedza
naChristine Mudekwe
Chaiva chapwititi hondo ichitsva paChimoyo kuMozambique.
Uko Zanu yakatungamirira, apo paiva negamba guru remagamba.
Rakaburutswa nedenga iri ngirozi huru yehondo, Cde President, Gabriel Mugabe.
Uku Freedom Camp kuLusaka ichitsviriridza,
Yaive Zapu kuZambia iina Umdala Wethu, Cde Joshua Nkomo.
Ee-he zvaonekwa vana vevhu makarwa mumire.
Makasunungura nyika yedu yeZimbabwe nhasi uno isu tose topembera.
Chimurenga hachitambwi nacho.
Hondo yeChimurenga yaisava nyore.
Ko nhai Nyati paNyadzonya vana waive uchavatengeserei?
Ruremekedzo nerutendo rwose kuvarwi verusununguko.
Makarwa mumire, makagara mumasango,
vamwe vakatsakatika.
Masoja, anamujibha ‘kabhasikoro’, chimbwido-o makatiunzira rugare.
Zimbabwe usazokanganwa!
