Kwayedza
HUMBA NYANGURU
Maita chiunga
Maita humba,Mwana waMakombe, Chomera,
Maita Nguruve, Mutakurwa.
Zvaitwa tateguru wangu Makombe,
Maita waDukudza ari Jekacheka.
Maita Chirema,
Chirimanemuromo,
Mapadza aripo,
Asi muchiapa veranda.
Maita vari Barwe, Gwindingwi guru
Vanodzura imba nematope
Muno muromo unenge gombe rokucheresa mvura
Zvaitwa Nyanguru,
Makapedza rudzi rwavamwe nenyuchi
Maita VaKarota,
Zvaonekwa Rima,
Tatenda VaChevakaranga naChibonoyo.
Zvaitwa waGosa,
Mwana wazunzangara,
Maita vari Karomakapuwe.
Tinotenda vari matitima.
Kuna Nyakadese kuna Zambezi.
Aiwa zvaitwa mwana waMatope.
Zvaonekwa Nyanguru.
Zvaonekwa Humba.
Nguruve, Chitambanamatope.
A C Hodza (mushakabvu) (Department of African Languages: UZ)
