Kwayedza
TINAYO pano ngoma yekanyi, yarira yekanyi, ngairire yakaringire mberi neMberengwa. Chabhenda chabhenda, kanyi akuna maninji.
Ngatitekesane teiti mwakaitawani kwaMachongwe, kwaBvumbura nekwaGuryanga. Nyamashi uno tinode kureketa ngepika nenyora.
Ngatibeure mudhibano wedu teireketa ngepika. Kana teireketa ngepika zviyana, tinonga teireketa ngerudo rwakadzama. Pika tingati hedu inyora dzerudo pachiNdau. Kazhinji kacho, dzinooneka paasikana naantu echikadzinje.
Izvi zvetaakuona zvoizwa ngemuntu weeshe, akadzi neamuna, adzisi pika akadi, dangwani ndicho chiyungu chakhona, kharo hakewo wakauya nacho ichi chenyamashi.
Pika kunemesa kwepamusorosoro kunoizwa ngaasikana naakadzi kuti amuna aadakarire yaemho. Kunemesazve akhiti woye. Paanokuringira paya anoti, aah, amuchaoni ere ndombi yakanaka inohambe apo yakaseja.
Pika idzi dzetinomboreketa ndidzo, dzinombooneka pari pamuiri wechidzimai. Tichiripohe papikapo, pane dzimweni pika dzinooneke muchiuno. Tichiri kureketa ngendombi naanamai. Idzi dzinooneka ngemuchiuno, dzakachekwa ngemutoo unodadisa yaemho, apa ndipozve pamwoyo werudo.
Teireketa teiite furawechironda, aripohe anababa akachekwe nzee, kunemesahe ukwokwo. Tikahwirirahe Chipinge kweduyo, tinokumana nawo anababa akachekwe nzee, kuboorwa yaemho peisare buri remene.
Pakupete soko redu renyamashi, ngatirekete ngenyora. Nyora ndidzo dziya dzinotemerwahe ngereza ndianachiremba edu aya etinodaidza teiti n’anga kana kuti nyanga, magama edu mairi etakajaiya. Ukati apa pangu panochecheta, iwo reza yawo kweerere ga, kamutombo kawo ponzere kudai, nakuzozwahe.
Idzi nyora dzinokone kuoneka peshe peshe kusiya ngepashi petsoka, apa apatemerwi nyora, kunyazi unokumana nadzo dzakati zazaza nemuiri weshe uno.
Pane angade kureketa naPenyai ngatidhibhane pa0772 332 645 / 0712 948 959.
