Kwayedza
Abel Ndooka
ZIMBABWE Cricket iri mushishi kuumba chikwata chemaYoung Lady Chevrons cheUnder 19 chichazorwira kunokwikwidza kumutambo weInternational Cricket Council (ICC) Under-19 Women’s
T20 World Cup 2025 uyo uchaitirwa kuMalayisa nekuThailand.
Vatambi vanosvika 24 vakasarudzwa avo vari kurwira kupinda muchikwata chichaenda kuMalayisa neThailand.
Pavatambi 24 ava, pane vapfumbamwe vaive muchikwata chemaUnder-19 chakanokwikwidza kumutambo weU19 weT20 World Cup wekutanga wakatambirwa kuSouth Africa munaNdira.
Vamwe vatambi vaive muchikwata ichi vakura kudarika zera rinotarisirwa kukwikwidza mumutambo weICC U19 World Cup.
Muchinyorwa, Zimbabwe Cricket inoti Trevor Garwe ndiye ave kurairidza chikwata cheU-19 uye chiri kufanirwa kutamba mitambo yakawanda yekurwira kuenda kuWorld Cup yeT-20.
Kelis Ndhlovu, uyo anove kaputeni, mumwe wevatambi vapfumbamwe vakadzorwa muchikwata ichi.
Vatambi 24 vakasarudzwa vanoti Kelis Ndhlovu, Beloved Biza, Tawananyasha Marumani, Chipo Moyo, Olinder Chare, Nokutenda Makanhiwa, Runyararo Pasipanodya, Christina Mutasa, Buhlebenkosi Maphosa, Kudzai Chigora, Passionate Munorwei, Tawana Mudepu, Melinda Kajinge, Diveniah Ndhlalambi, Chanel Machando, Chevaughn Ndoro, Paula Whiley, Danielle Meikle, Monique Mushanyi, Kay Ndiraya, Kelly Ndiraya, Lauren Pemhiwa, Palesa Tinozo naVimbai Mutungwindu.
