Kwayedza
Munyori weKwayedza
MUNYORI mukuru mubazi redzidzo yepamusoro, sainzi nekuvandudzwa kweruzivo rwemichina – Professor Fanuel Tagwira – vanozivisa kuti zvakanyorwa pabvunzo dzeHigher Education Examinations Council (HEXCO) mumwedzi waMbudzi 2021 zvabuda.
Vanotenda vadzidzi avo vakashanda nesimba uye nevatsigiri vakaita kuti kunyorwa kwebvunzo idzi pamwe nekumakwa kwadzo kubudirire.
Kuburikidza nerutsigiro rwakavapo uye mushandirapamwe, vadzidzi vakapasa nechikamu che60.9 percent.
Vadzidzi vakanyora bvunzo dzeHEXCO vanokurudzirwa kunotora zvakabuda kumizinda iri pedyo navo kutanga nemusi wa6 Ndira 2022.