Kwayedza
ACHANGE ari makuwerere svondo rino musi weChishanu panhandare yeHartsfield kuBulawayo uko kuchange kuchitambirwa mutambo weOld Mutual Rugby Development Program Inter-Community Cup.
Mutambo uyu uchange uri wezvikoro zvisere zvekumaruwa zvekuBulawayo zvinoti St Columbus High, Entumbane,
Msiteli, Nkulumane, Sobukazi, Sikhulile, Northlea neMzilikazi apo uchange uchikwikwidzwa mumapoka eUnder 14, 17 ne19.
Makwishu aya ndeekubatsira kusimudzira mutambo werugby kuzvikoro zvekumaruwa.
Gore rino ndere kutanga mutambo uyu uchitambwa uye mitambo yekutanga yakatangira muHarare apo zvikoro zvakasiyana zvakakomberedza dunhu iri zvakakwikwidza, Tafara High 1 ikasimudza mukombe uyu.