Kwayedza
Arsene Wenger anoti kuuya kwemutemo mutsva wenhabvu wekutambisa nguva uchave nani mukufamba kwenguva uye uchabatsira nekugadzirisa maitiro evatambi.
Kuwedzerwa kwenguva mumitambo pamwe nekupihwa makadhi kuvatambi vakawanda kwakonzera mitauro munhabvu uye UEFA svondo radarika yakati haizi kuzotevedzera mitemo iyi.
Aimbove murairidzi weArsenal, Wenger, uyo ave mukuru weFIFA munyaya dzekusimudzirwa kwenhabvu pasi rose, anoti ari kutoona zvakanaka kuburikidza nemutambo wakatambwa weWorld Cup yevarume kuQatar uye yemadzimai kuAustralia neNew Zealand.
Akarambawo pfungwa yekuti zvaizokanganisa vatambi.
Akaudza The Independent kuti: ‘’Ndingati uri kupokana nekutambisa nguva? Ini pachangu ndinoti hongu. Ini ndinopesana nekutambisa nguva. Nekuda kwekuenzana kwemutambo, tinoda kuti chikwata chinoda kutamba chipihwe mubairo nenguva yekunyatsotamba nhabvu.
‘’Kuremekedzawo mutsigiri akagara munhandare, zvikwata zvinotamba, kukurudzira zvikwata kuti zvisatambise nguva.
Mushure mezvo, zvinotaridzika zviine musoro kwandiri kurwisa kutambisa nguva mumitambo. Pashure pacho, mubvunzo wechipiri ndewe kuti sei? Ipapo iwe unofanirwa kuwana hungwaru mazviri,” anodaro Wenger. — SportsMail Football
