Kwayedza
Philip Matombo—
TINOKUKWAZISAI nemufaro varimi pachirongwa cheMudhumeni Mukuru. Svondo rino tichakurukura marimirwo esoya beans sezvo tany’ura mumwaka wacho kudai.Kuti ubudirire, zvinoda kushanda nesimba, kuzvipira kushandisa mari (investment), kurima nemazvo uye nenguva, kushandisa mbeu dzakauchikwa, kuva nemadzinde anokurudzirwa pahekita, mumunda musina sora, kudzivirira zvirwere uye kukohwa nenguva.
Ukadai semurimi, pakupere kwemwaka unotadza sei kuimba. . .“Huya uone kutapira kwoita kurima.”
Soya beans hadzinetsi kurima, kunyanya ukashandisa mishonga yesora uye dzakati chipei pane chibage kurima pahekita imwe uye hadzinetsi kutengesa zvekare dzinokurumidza kuibva, totengesa tokurumidza kuita mari. Tikadzirima nemazvo uye nenguwa, tine mukana wekuti padhora rimwe ratashandisa rinopetwa kaviri kana katatu.
Soya beans dzakanaka kurima sezvo dzichisiya nitrogen inova AN kana kuti Top iyo inozoshandiswa nechirimwa chinotevera uye dzinoshandiswawo zvakawanda sekutipa mafuta ekubikisa, soya bean cake inogadzira chikafu chemhuka uye vamwe vanobikisa chingwa.
Mhando dzembeu:
Seed Co yakakuuchikirai mbeu dzesoya beans dzakanaka idzo dzine mukoho usiri pasi pematani mana (4) pahekita. Ndicho chinhu chatinokusimbisai varimi kuti pambeu dzedu dzese dzakauchikwa zvemhando yepamusoro dzichitivirira zvirwere zvakasiyana-siyana uye dzinotipa mukana wekukohwa dzisati dzatanga kuputika (pod shattering). Dzakauchikwa kuti dzinge dzichitanga kubereka mwana (pod) wekutanga kubva pasi (pod clearance) zvinoita kuti vanokohwa nemichina yakaita semacombine havester dzirege kusara pasi uye dzirege kuberekera pamusoro zvakanyanya izvo zvinoita kuti tirasikirwe negoho.
Zvakadaro, tine mbeu dzinoti dzikatanga kuita maruva dzinoramba dzichiita mamwe anonzi maindeterminate varieties seSc Serenade neSc Safari. Mbeu idzi dzakanakira kuti kukauya zuva dzichiita maruwa kana kubereka, panozotanga kunaya mvura dzinotanga kuitazve maruva murimi owana cheuviri
Sc Serenade neSc Safari:
Mbeu idzi dzava nemakore akati wandei varimi vachiwana mukoho unosvika kumatani mashanu (5) pahekita asi vazhinji vanowanzoowana matani matatu nekuti goho rinowanzoderedzwa panopisa zuva paya kusinganayi (mid-season drought). Dzinomira mumunda kusvika murimi akohwa (good standability), hadzikurumidzi kuputikira mumunda dzichipa murimi mazuva anodarika 32 kubva padzinoibva kusvika painotanga kuputika. Dzinomira-mira kuzvirwere zvakawanda asi kusoya bean rust inodhererwa zvekuti tinofanira kudzivirira nekufirita nemishonga pazuva rechi52 kubva pakumera tozofiritazve kwapera mavhiki maviri. Tikadaro tinowana mukoho wakanaka.
Imbeu dzinogona kuita vana (pods) 200-300 padzinde rimwe kunyanya kana tadyara madzinde anokurudzirwa pahekita. Saka tikarima mbeu iyi tinenge takahwina kare.
Sc Sequel neSc Status:
Idzi beu dzakauchikwa zvemhando yepamusoro, pagoho dzinosvika kumatani 4 pahekita nekudarika, dzinotivirira chirwere chesoya bean rust zvekuti murimi anochengeta mari yekutenga mishonga neyekufirita saka tichiti Kuti Seed Co ndookuti mbeu. . . kutimbeu ndokuti Seed Co.
Kudyara Soya beans:
Hekita inoda 100kgs dzembeu kuti tiwane 350 000 madzinde mumunda. Apa ndipo patinowana goho rinodakadza. Madzinde akawandisa kupfuura 500 000 pahekita goho rinodzika uye soya beans dzedu dzinowa (lodging), akanyanyoitazve mashoma goho rinodererazve. Kuti tiwane madzinde aya pahekita kubva pamutsara kuenda pane mumwe (row spacing) inofanira kuita 45cm uye kubva padzinde kuenda pane rimwe mumutsara (in-row spacing) inofanira kuita 5cm. Kudzika muvhu (planting depth) tinofanira kudyara 2.5cm kusvika pa5cm zvichisiyana nevhu redu.
Tichingopedza kudyara ngatiisei mushonga wesora watinowana kubva kumakambani akasiyana. Zvinoreruka kushandisa mishonga yesora pane kusakura uye patinosakura nemawoko sora rinenge ratodya kare chikafu chinofanira kudyiwa nembeu, goho rinenge ratoderera. Zvakati rerukei kushandisa mishonga yesora inoiswa mbeu nesora zvisati zvamera (pre-emergency herbicides) pane kushandisa mishonga yesora inoiswa mbeu nesora zvabuda (post emergency herbicides).
Tumbuyu nezvirwere:
Pane makonye (semi-looper caterpillars) anodya mashizha inova fakitori yembeu dzedu. Tinokukurudzirai kuti mufirite nemishonga yamunokurudzirwa nevarimisi. Kune chirwere chekuomesa mashizha (soyabean rust), saka semurimi tenga mbeu dzakadzivirirwa kare dzandamboreva seSc Status neSc Sequel, kana watenga dzimwe dzisina kuzvidzivirirwa munofanira kudzivirira nekushandisa mishonga.
Kutengesa soya beans:
Soya beans dzinotengwa nemutengo wakanaka uye mutengo wacho hauwanzoshanduka pamusika. Dzinotengwa nemakambani anosvina mafuta, anogadzira chikafu chezvipfuyo uye kazhinji kacho unobva wakabata mari yako kana wanotengesa chirimwa chako zvinova zvinodakadza. Soya beans dzinowanzokurumidza kuibva nekubviswa mumunda zvinova zvinobatsira kuti murimi afanopedza nhamo dzinenge dzichimushungurudza uye kune vanorima gorosi remuchando vanokurumidza kudyara gorosi ravo vozowana mukuho wakanaka. Mitengo yesoya beans inowanzotambira pa$580 patonne zvichirewa kuti sevarimi, pahekita tinogona kuwana mari inoita iyo $1 160 kusvika pa$2 330 tashandisa $600-$800 pahekita.
Saka chirimwa ichi chinobhadhara samare, kunyanya ukashandisa mbeu dzakauchikwa nekambani yenyu inova huruyadzo murigadzose Seed Co.
Saka tichiti “. . . KUTI SEED CO NDOKUTI MBEU . . . KUTI MBEU NDOKUTI SEED CO”
