Kwayedza
Mhinduro yesvondo rapera:
Tipe tsumo inoenderana nekarungano aka:
KARE vanhu vaipfeka nhembe. Nhembe idzi dzaigadzirwa nematehwe.
Matehwe aipfekwa nevanhu aive emhuka.
Matehwe aya aibva pamhuka dzavanenge vavhima. Saka murombo aiwanzoonekwa nekuda kwekushaya zvekupfeka zvakanaka.
Ndiye uya aiti kana akaenda kunovhima haabate mhuka dzine matehwe ekuti agadzirise nhembe.
Tsumo yacho: Murombo haarove chine nguwo.
* * * *
Svondo rino:
Tipe tsumo inoenderana nekarungano aka:
TSURO akaperekedza Gudo kunoreva chikwereti chake kwaShumba.
Vasvika kwaShumba, Gudo akawatsura Shumba mbama achiti, “Dzidza kudzosera zvikwereti iwe.” Tsuro akashamiswa nekuita kwaGudo.
Shumba akaviruka nehasha ndokusvetukira Gudo, asi Gudo akabva akwira mumuti. Shumba akabva ati tsvoma naTsuro.
Tsuro akazosangana naGudo mushure mezvizuva, Gudo akati, “Tsuro uri kuda kuenda kumabiko here?”
* * * *
Mhinduro svondo rinouya.
. Tumirai mhinduro panhare dzinoti: 0714 200 007
