Kwayedza
KAMBANI yenharembozha, yeEconet Wireless, svondo rino yakaparura chirongwa chekusimbaradza kubatika kwemasaisai chinonzi “Smart Data Network” nedonzvo rekuti veruzhinji vakwanise kushandisa nharembozha nyore.Pasi pechirongwa ichi, vanoshandisa masaisai eEconet vanokwanisa kuenda padandemutande sarura ude. Chamangwiza weEconet Wireless Zimbabwe, VaDouglas Mboweni, vanoti chirongwa ichi idanho guru mukuzadzisa zvido zvevanoshandisa masaisai avo. Pamufananidzo, Mellany Msengezi-Mariri anova mukuru wezvekushambadza kuEconet, achitaura nevatori venhau pakuparurwa kweSmart Data Network muHarare nemusi weChitatu.
