Kwayedza
Munyori weKwayedza
CHIREMBA wechivanhu wekwaMashambanhaka, kuUzumba, VaBonface Katerere (62), vanoti zviri pachena kuti mudzimai wekuti anojuja mukaka asi asina mwana mucheche uyu ari kuyamwiwa nezvidhoma nekushandisirwa mishonga yakaipa. “Zvidhoma kana kuti zvikwambo zvinoita zvakadai. Izvi zvinoitwa kana nemishonga yekutsvaga kupfuma semari, kana kushaya kwake mbereko kuri kukonzerwa nekushereketerwa. Zvinogona kunge zvichibatana nekubuda mukaka kwake.
“Anoda kubatsirwa nekuti panopera kubuda mukaka uyu zvachose anogona kubva abata pamuviri kana abatsirwa nevanogona. Pavanobatsirwa apa, zvinoda kuti vange vari vose nemurume wake,” vakadaro VaKaterere.
