Kwayedza
Abel Ndooka —
CHIKORO chepamusoro cheBindura University of Science Education chiri kuBindura chosimbaradza zvidzidzo zvekurima uye gore rino chiri kutarisira goho guru rechibage.
Vachitaura svondo rino neMuvhuro apo masangano nemapoka akasiyana aimema purazi reBUSE kuBindura, Dean of Faculty of Agriculture and Environmental Science – Dr Innocent Nyakudya – vanoti gore rino vari kutarisira goho guru zvichitevera kunaya kwakaita mvura zvakanaka mwaka uno.
“Tiri kuzama kurima zvepamusoro uye chibage chatakarima apa ichi muna Zvita chasvika. Tiri kutarisira goho guru rinogona kusvika matani masere.
“Takabatsirwa nekunaya kwakanaka kwakaita mvura uye isu pachedu taishandisa nzira yekukohwa mvura (water harvesting) iyo yakabatsira zvikuru mukuchengetedza mvura,” vanodaro Dr Nyakudya.