Kwayedza
Carlos Mukombwe, uyo ane dambudziko rekusanzwa, akanyora bvunzo dzeGrade 7 dzeZIMSEC gore rapera paBindura Salvation Army Primary School, kuBindura ndokubuda ne13 units.
Mukomana uyu anove nherera ari kukundikana kuwana mari yefizi inosvika US$300. Vadzidzisi nevamwe vashandi vepaBindura Salvation Army Primary School vakwanisa kuunganidza US$115 nekudaro vari kukumbira vanokwanisa kubatsira nemari kana nedzimwe nzira.
Carlos anonzi anozokwanisa kupinda muchirongwa cheBEAM temu inotevera.
Vanoda kubatsira vanokwanisa kubata mukuru wechikoro cheBindura Salvation Army Primary School panhamba dzinoti 0773 954 552.
