Kwayedza
Kingstone Mapupu
Muimbi wemusambo weSungura uye anotungamirira chikwata cheNjerama Boys — Paradzai Mesi — uyo akasungwa mangwanani emusi weChina nemhosva yekupazira nekuba muchitoro chepapurazi reHemiston, kuGlendale, achiri mumaoko memapurisa achimirira kupinda mudare redzimhosva nemusi weMuvhuro.
Sgt Major Samuel Chikasha, avo vakafanobata chigaro chemutauriri wemapurisa kudunhu reMashonaland Central, vanoti Mesi ari mumaoko memapurisa achimirira kupinda mudare neMuvhuro.
Vanoti chikamu chemapurisa ematikitivha eCID ndicho chiri kufeya nyaya iyi.
