Kwayedza
Mhinduro yesvondo rapera:
Chaitemura chave kuseva.
Tsumo iyi inoreva kushanduka kwezvinhu muupenyu. Mumwe munhu anogona kunge aive murombo zvekushaya chekudya sadza nacho zvekuti aipedzisira oita rekutemura. Asi iko zvino anenge ave kudya achisevawo mumuto.
Zvekuita: Kutemura kuita sei?
Mhinduro: Kudya sadza rega risina usavi
* * *
Svondo rino:
Chakabaya chikatyokera.
Unogona kubayiwa nechinhu asi chinhu ichocho chobva chasiya chimwe chidimbu mukati nyangwe icho chabviswa. Tsumo iyi inoreva kurambira kweimwe tsika kana hunhu mumunhu zvekuti nyangwe akaedza sei, anokurirwa nehunhu hwaakajaira (hwakatyokera mukati).
Zvekuita: Chii chinoumbwa nemavara aya (umzawn) chinobaya chichityokera?
* * *
Mhinduro svondo rinouya.
. Tumirai mhinduro panhare dzinoti: 0714 200 007
