Kwayedza
TSUMO:
CHINO chidzidzo cheMUDZIDZISI RAIRA chinobva kumumwe murairidzi wepaKatsande Primary School, kuMudzi.
DZINOTAURA ZVEBENZI:
1. Nhava yebenzi haitani kusakara.
2. Totenda dzanwa dzaswera nebenzi.
3. Benzi kupengera mumunda maro rega rakadaro.
4. Ane benzi ndeane rake kudzana unopururudza.
5. Musakurudzira benzi nemhururu.
6. Benzi ritsiudze radzoka.
DZINOTAURA ZVEMVURA:
1. Mvura bvongoki ndiyo garani.
2. Mvura yerwizi haina n’anga.
3. Yadeuka yadeuka mvura yeguchu haiorerwi.
4. Mvura yekuchererwa haipedzi nyota.
5. Mvura yembambara tiza ichiri kure.
Varairidzi makasununguka kutumira zvamunoda kuti vana vadzidze ku: Kwayedza, Box 396 Harare kana paEmail inoti [email protected]. Munogona kusiya chero kumahofisi eZimpapers kuManica Post, kwaMutare; kuChronicle Building, kuBulawayo; paHehald House muHarare; kuMasvingo, Beitbridge, Gweru kana kuChinhoyi. – MUPEPETI.
